Haustjafndægur að baki

Úti er rok og rigning. Reyniberin eru svo til öll fokin af trjánum í kringum húsið. Stéttin er rauð af mörðum reyniberjum og vetrarforði fuglanna farinn fyrir lítið. Þeir voru lítið farnir að sinna berjatínslunni en þó mættu nokkrir hér einn daginn í vikunni. Og það var eins og við manninn mælt að kettirnir voru farnir að brýna klifurklærnar.