Bloggfærslur mánaðarins, júní 2008
27.6.2008 | 14:56
Sjón er sögu ríkari
Svona tókst til með rauðbrúna litinn sem átti að lenda á þakinu.Auðvitað er það kostur að geta notað þaklitinn sem kennileiti. "Húsið með rauða þakinu." Hin rauðu þökin í götunni komast ekki í hálfkvisti við þennan hárauða lit - er þetta ekki tískuliturinn í ár?
Ég hlakka til að heyra ferðasöguna frá Mauritaníu, Feddi. Og þið sem eruð á faraldsfæti í sumar - Það er vel þegið að senda stelpunum póstkort með nokkrum línum. Þau sem nú eru á ísskápnum eru að verða lesin upp til agna. Ný kort eru því vel þegin - frekar með dýramyndum en mannvirkjum.
KOMIN SUMARSTEMNING Í ÞJÓÐARBÓKHLÖÐUNNI- bARA nokkrar eftirlegukindur frá vetrinum og svo föstu gestirnir. Þó heitt sé úti er hálfu heitara inni og loftleysið eftir því. Fólk reikar hér um eins og draugar - örugglega í leit að súrefnistækjum frekar en bókum. Hér þyrfti að setja upp sama búnað og í flugvélum (að grímur falli niður fyrir framan tölvurnar þegar loft fellur hér innanhúss.Tölti nú út í góða veðrið.
Bloggar | Breytt s.d. kl. 15:04 | Slóð | Facebook | Athugasemdir (0)
26.6.2008 | 21:01
Sumargabb...
Bloggar | Slóð | Facebook | Athugasemdir (1)
24.6.2008 | 20:35
Sumarbloggfrí
Bloggar | Slóð | Facebook | Athugasemdir (0)
18.6.2008 | 12:59
Sá fyrri og sá seinni
Það gekk nokkuð brösuglega í morgun að útskýra fyrir fjögurra barninu að 'sá seinni' væri líka dauður og myndin í blöðunum væri af þeim ísbirni sem var ennþá lífs þá hún fór að sofa að við héldum.
En við komum á 'örugga' landshornið í gærkvöld (fjarri stærstu rándýrum) eftir gott ferðalag um Vestfirðina, - eina viku í Önundarfirði og bættum svo við þremur dögum í Vatnsfirði. Á mánudaginn síðasta gerði hávaðarok og við hreyfðum okkur varla út úr húsið sem reyndar lék á reiðiskjálfi og mér leið stundum eins og ég stigi ölduna á Baldri. Úti á firðinum fylgdumst við með Baldri koma í seinni ferð sína. Skipið lónaði úti fyrir í um klukkutíma en tókst lokst að komast að og skipta um farþega. Í gær sögðu skipperarnir okkur að ekki hefði gengið að kasta landfestum upp á bryggju í rokinu og því hefði þetta tekið allan þennan tíma. Í gær var hins vegar tiltölulega lygnt og siglingin ljúf suður yfir fjörðinn breiða. Fín sundlaug í Hólminum og svo fengum við fínan fisk á fimm fiskum áður en við brunuðum í bæinn.
Bloggar | Breytt s.d. kl. 13:01 | Slóð | Facebook | Athugasemdir (1)
6.6.2008 | 15:04
Íslenskir villimenn
Hefi séð heldur ljóta mynd dregna upp af villimannslegu framferði Skagfirðinga í þýskum blöðum. Þar sagði sem svo: Á dögunum var villtur Knútur* á ísbreiðunni við Grænland. Hann var svangur og ákvað að synda að íslenskum gnægtarbrunnum þessa litlu 500-600 kílómetrum. Þar var hann skotinn umsvifalaust. Annars staðar þar sem birni ber að landi, eins og á Nýfundnalandi og Noregi, eru þeir svæfðir og flogið með þá til baka.
Kom ekki til baka hvort þeir eru fóðraðir fyrir flugferðina eða sendir jafn svangir til baka.
* Knútur er ungur hvítabjörn í dýragarðinum í Berlín. Birnan hafnaði honum strax við got og gæslumaður í garðinum fóstraði hann þar til hann gat farið að sjá um sig sjálfur. Málið vakti mikla athygli og Knútur varð samnefnari fyrir hvítabirni á sama hátt og allir háhyrningar hétu Keikó fyrir allnokkrum árum.
Bloggar | Breytt 7.6.2008 kl. 11:24 | Slóð | Facebook | Athugasemdir (0)
5.6.2008 | 11:16
Skólafrí byrjuð
Bloggar | Slóð | Facebook | Athugasemdir (0)
3.6.2008 | 18:04
Uppskrift að gómsætum bjarnarkjöti
Hlýtur að vera stórveisla út um allan Skagafjörð í kvöld.
Bloggar | Slóð | Facebook | Athugasemdir (3)
3.6.2008 | 16:18
Hafís norður af landinu
Hlýtur að þurfa að fljúga ísbjarnarleitarflug yfir alla jaka. Maður getur auðvitað trútt um talað sitjandi uppi á þriðju hæð á melunum, - vitandi að frekar ólíklegt er að einhver slíkur knýi dyra. Komist einhver til Reykjavíkur er auðvitað stærstu og bestu bitana að finna með strandlengjunni.
Nú í næsta mánuði er 25 ár síðan ég lá í tjaldi eina nótt í Hlöðuvík. Það var kolsvartaþoka og úti á víkinni grillti í ísjaka á reki. Svaf ekki rólega þá nótt - hlustandi eftir hverju þruski. Tjalddúkur er nefnilega ekki mikil hindrun ef hvíti bletturinn úti í víkinni hefði verið eitthvað annað en ísjaki.
Bloggar | Slóð | Facebook | Athugasemdir (0)
3.6.2008 | 16:03
Síð- (eða snemm-) -búið aprílgabb
Bloggar | Slóð | Facebook | Athugasemdir (2)
3.6.2008 | 13:31
Dýrið fellt
Bloggar | Slóð | Facebook | Athugasemdir (0)