"Allt" - Búin að öllu?

Algengasta spurningin þessa dagana er "Ertu búin að öllu"?  Hvað er þetta "allt"? Hér bíða jólakort áritunar og sendingar - ryk í hverju skúmaskoti. Smáýkjur, en meira stressið sem getur gripið fólk. Hér gengur allt sinn rólega gang og jólin koma á morgun hvort sem ég eða aðrir verða búnir að "öllu" eður ei. Þau jól sem ég stakk af til fjalla hringdu jólabjöllur stundvíslega klukkan sex á aðfangadag við Hnausapoll. - En það er útséð með það að kort komist til skila fyrir jól svo nú sem stundum áður sendi ég áramótakveðju póstleiðis en bestu jólakveðjur vinir góðir.